Khutbah Jumat Bahasa Jawa: Main Judi Online Iku Haram | NU Online Jatim
Naskah meniko mertelaaken judi online hukume haram lan duso. Monggo naskah khutbah saget dipun damel materi khutbah Jumat
Khutbah I:
اَلْحَمْدُ للهِ الَّذِي أَصْلَحَ الضَّمَائِرَ ، وَنَقَّى السَّرَائِرَ ، فَهَدى الْقَلْبَ الْحَائِرَ اِلَى طَرِيْقِ أَوْلَى الْبَصَائِرَ ، أَشْهَدُ أَنْ لَا اِلهَ إِلَّا اللهُ
وَحْدَهُ لَا شَرِيْكَ لَهُ رَبُّ الْعِزَّة وَالْبَصِيْرِ ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُه نَبِيُّ الْمُصْطَفَى الْفَقِيْر ، اللهم صَلِّ وَسَلِّمْ وَبَارِكْ عَلَى سَيِّدِنَا مُحمَّدٍ خَاتَمِ الْأَنْبِيَاءِ وَالْمُرْسَلِيْنَ وَعَلى آلِهِ وأَصْحَابِهِ أَجْمَعِيْنَ
أمَّا بَعْدُ فيا أيُّهَا الحَاضِرُونَ رَحِمَكُمُ الله ، أُوْصِيْكُمْ وَإيَّايَ بِتَقْوَى اللهِ فَقَدْ فاَزَ الْمُتَّقُوْنَ قال تعالى : يا أيها الذين آمَنُوا اتَّقُوْا اللهَ حَقَّ تُقَاتِهِ وَلَا تَمُوْتُنَّ اِلاَّ وَاَنْتُمْ مُسْلِمُوْن
Ma’asyiral Muslimin Rahimakumullah
Monggo kito sami ningkataken takwo dumateng Gusti Allah, kanti ngelampahi sedoyo perintahipun lan nebihi sedoyo laranganipun, sehinggo kito saget pikantuk rohmat lan maghfiroh saking Gusti Allah. Kulo ngajak dumateng kulo piyambak, ugi dateng panjenengan sedoyo supados sami-sami ajrih marang Gusti Allah ingatase ngedohi maksiat.
Sholawat serto salam keaturaken dumateng Kanjeng Nabi Muhammad ingkang kito ajeng-ajeng syafaatipun, ugi sampun nuduhaken marang kito ingkang asale wonten ing dalan pepeteng tumuju dalan ingkang padang, nggih meniko Islam.
Kedah kito mangertosi bilih menungso gesang wonten dunyo meniko mboten saget tebih ucul saking maksiyat, amargi menungso sampun dipun titahaken kaliyan Gusti Allah dados makhluk ingkang nggadah luput, ino, lemah. Sinaoso mekaten, ikhtiar nebihi perkawis ingkang nyebabi duso kedah estu dilaksanakaken.
Gusti Allah sampun dawuh:
وَذَرُوْا ظَاهِرَ الْاِثْمِ وَبَاطِنَهٗ اِنَّ الَّذِيْنَ يَكْسِبُوْنَ الْاِثْمَ سَيُجْزَوْنَ بِمَا كَانُوْا يَقْتَرِفُوْنَ
Artosipun: Lan pada tinggalno sekabehane tindakan duso, ingkang dzohir lan batin. Saktemene wong kang ninda’ake tumindak duso, niku sesok wonten dinten kiyamat bakal pikantuk walesan sebab tindakan duso ingkang dipun lampahi (surah al An’am 120)
Dawuhipun Gusti Allah meniko ngimutake kita sedoyo bilih sejatine duso ingkang dumawah dateng manungso wonten kalih. Kekalihipun sami bahayani lan wajib ditebihi. Inggih meniko: dusa dzohir ingkang ketingal lan duso batin ingkang mboten ketingal.
Hadirin Ingkang Sami Bahagio
Duso dzohir meniko tegese duso ingkang ketingal mripat, wujude jelas, saget dipun pirsane kaliyan peningal utawi dipun mirengaken kaliyan kuping. Contohe, omben-omben ingkang mendemi, judi, zina, misuhi lan sak pitunggalane.
Lajeng maksude duso batin meniko duso ingkang wujude mboten ketingal mripat, kados sombong, ujub, riya, ghibah, adu-adu, iri, dengki lan sedoyo kemaksiatan ingkang wonten lebete ati ingkang samar, mboten saget dipun tingali mripat.
Tindakan ingkang nukulaken duso meniko kedah dipun tebihi, dipun resiki, sebab saget ngalangi rejeki lan keberkahane sinten kimawon. Kanjeng Nabi dawuh:
إِنَّ الْعَبْدَ لَيُحْرَمُ الرِّزْقَ بِالذَّنْبِ يُصِيبُهُ
Artosipun: Saktemene menungso iku kinalingan rejekine sebab duso ingkang dipun lampahi (HR Ahmad)
Hadis niki maknane duso ingkang numpuk wonten awak dewe niku kedah dipun resiki kaliyan maos istighfar, taubat, lan janji mboten ngulangi maleh, sebab duso niku saget nyebabaken rejeki mampet, seret.
Hadirin Ingkang Dipun Rohmati Allah
Kito gesang ing dunyo tasih katah ingkang dereng saget mareni maksiate. Sering sanget kito ngisi waktu kaliyan dolanan, perkawis ingkang mboten manfaati, misale dolanan hape, main game, bahkan judi online. Akhire katah tiyang ingkang kejlumprung duso amergi nuruti howo nafsu lan bujukane setan.
Leres sanget menawi poro ulama ndawuhaken bilih duso niku saget tukul disebabaken anggur-angguran uripe, batine garing, nyia-nyiaken waktu, sehinggo bablas dolanan game judi online. Judi online niku hukume haram. Gusti Allah dawuh:
يٰٓاَيُّهَا الَّذِيْنَ اٰمَنُوْٓا اِنَّمَا الْخَمْرُ وَالْمَيْسِرُ وَالْاَنْصَابُ وَالْاَزْلَامُ رِجْسٌ مِّنْ عَمَلِ الشَّيْطٰنِ فَاجْتَنِبُوْهُ لَعَلَّكُمْ تُفْلِحُوْنَ
Artosipun: Hai wongkang podo iman, saktemene nginum khomer, judi, korban kanggo berhala, adu nasib kelawan panahan iku termasuk amalane setan, mongko adohono supoyo siro kabeh selamet (Maidah: 90)
Ayat meniko mertelaaken bilih amalan-amalan olo kados nginum arak, main judi, korban kangge tumbale berhala, ngundi nasib kelawan panahan sedoyo kalebet amalane setan ingkang senengane ngajak menungso ngelampahi duso alit hinggo duso ageng.
Jaman sakmangke tambah canggih, ugi perkawis ingkang nyebabaken duso, utawi remen maksiat soyo canggih, sedoyo niku saget dipanggihi wonten hape, tivi. Kito kedah atos-atos lan njogo awak piyambak serto keluarga saking geni neroko.
Monggo kito sami nyuwun marang Gusti Allah saget dipun paringi kekuatan nebihi perkawis maksiat, dipun tulungi saget njogo awak piyambak lan keluarga saking duso ingkang sakmangke soyo canggih. Mugi-mugi kito sedoyo tansah pinaringan pituduh saking Gusti Allah.
اَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمَنِ الرَّحِيْمِ تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ، الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ
بَارَكَ اللهُ لِي وَلَكُمْ فِى الْقُرْاَنِ الْعَظِيْمِ وَنَفَعَنِيْ وَاِيَّاكُمْ بِمَا فِيْهِ مِنَ الْاَياَتِ وَ الذِّكْرِ الْحَكِيْمِ. اَقُوْلُ قَوْلِي هَذَا وَاَسْتَغْفِرُ اللهَ الْعَظِيْمَ لِيْ وَلِسَائِرِ الْمُسْلِمِيْنَ فَاسْتَغْفِرُوْهُ مِنْ كُلِّ ذَنْبٍ اِنَّهُ هُوَ الْغَفُوْرُ الرَّحِيْمُ
Khutbah II:
اَلحَمْدُ للهِ حَمْدًا كَمَا اَمَرَ. وَأَشْهَدُ اَنْ لَّا إِلَهَ إِلَّا اللهُ وَحْدَهُ لاَ شَرِيْكَ لَهُ إِرغَامًا لِمَنْ جَحَدَ بِهِ وَكَفَرَ وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ سَيِّدُ الخَلاَئِقِ وَالبَشَرِ. اَللَّهُمُّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى اَلِهِ وَصَحْبِهِ مَا اتَّصَلَتْ عَيْنٌ بِنَظَرٍ وَاُذُنٌ بِخَبَرٍ
أَمَّا بَعْدُ: فَيَا َعِبادَ الله إِتَّقُوْا اللهَ تَعَالَى وَذَرُوْا الفَوَاخِشَ مَا ظَهَرَ مِنْهَا وَمَا بطَنَ وَحَافِظُوْا عَلَى الطَّاعَةِ وَخُضُوْرِ الجُمُعَةِ وَالجَمَاعَةِ وَاعْلَمُوا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَنَّى بِمَلاَئِكَةِ المُسَبِّحَةِ قُدْسِهِ، فَقَالَ تَعَالىَ وَلَمْ يَزَلْ قَائِلاً عَلِيْمًا إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ يَااَيَّهَا الَّذِيْنَ أَمَنُوْا صَلُّوْا عَلَيْهِ وِسَلِّمُوْا تَسْلِيْمًا. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى أَلِهِ وَصَحْبِهِ أَجمَعِيْنَ, اَللَّهُمَّ وَارْضَ عَنِ الخُلَفَاءِ الرَّاشِدِيْنَ الَّذِيْنَ قَضَوْا بِالحَقِّ وَكَانُوْا بِهِ يَعْدِلُوْنَ سَادَاتِنَا أَبِى بَكْرٍ وَعُمَرَ وَعُثْمَانَ وَعَلِيٍّ وَعَنْ سَائِرِ أَصْحَابِ نَبِيِّكَ أَجْمَعِيْنَ وَعَنِ التَّابِعِيْنَ وَمَنْ تَبِعَهُمْ بِإِحْسَانِ إِلَى يَوْمِ الدِّيْنِ
اللَهُمَّ اغْفِرْ لِلْمُسْلِمِيْنَ وَالمُسلِمَاتِ وَالمُؤْمِنِينَ وَالمُؤْمِنَاتِ اَلأَحْيَاءِ مِنْهُمْ وَالأَمْوَاتِ. اَللَّهُمَّ أَعِزَّ الإِسْلاَمَ وَالمُسْلِمِيْنَ وَأَعْلِ كَلِمَتَكَ إِلَى يَوْمِ الدِّيْنِ, اَللَّهُمَّ انْصُرْ مَنْ نَصَرَ الدِّيْنَ وَاخْذُلْ مَنْ خَذَلَ المُسْلِمِيْنَ. اَللَّهُمَّ أَهلِكِ اليَهُوْدَ وَالنَّصَارَى وَالْكَفَرَةَ وَالْمُشْرِكِيْنَ. اَللَّهُمَّ اَمِنَّا فِى دُوْرِنَا وَأَصْلِحْ وُلاَةَ أُمَوْرِنَا وَاجْعَلِ اللَّهُمَّ وِلاَيَتَنَا فِمَنْ خَافَكَ وَاتَّقَاكَ. اَللَّهُمَّ ادْفَعْ عَنَّا الغَلاَءَ وَالوَبَاءَ والرِّبَا وَالزِّنَا وَالزَّلاَزِلَ وَالْمِحَنَ وَسُوْءَ الفِتَنِ مَا ظَهَرَ مِنْهَا وَمَا بَطَنَ عَنْ بِلَدِنَا هَذَا خَاصَّةً وَعَنْ سَائِرِ بِلاَدِ المُسلِمِينَ العَامَّةً يَارَبَّ العَالَمِينَ رَبَّنَا آَتِنَا فِي الدُّنْيَا حَسَنَةً وَفِي الْآَخِرَةِ حَسَنَةً وَقِنَا عَذَابَ النَّارِ
عِبادَ الله ! إِنَّ اللهَ يَأمُرُ بِالعَدْلِ وَالْإِحْسَانِ وَإِيْتَاءِ ذِى القُربَى وَيَنْهَى عَنِ الفَخْشَاءِ وَالمُنْكَرِ وَالبَغْيِ يَعِظُكُم لَعَلَّكُم تَذَكَّرُوْنَ, فَاذْكُرُوْا اللهَ العَظِيْمَ يَذْكُرْكُمْ اشْكُرُوْهُ عَلَى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَلَذِكْرُ اللهِ أَكبَرُ
Komentar
Posting Komentar